Tu Shamme Risalat Hain A’alam Tera Parwana

Tu Shamme Risalat Hain A’alam Tera Parwana

Tu Shamme Risalat Hain A’alam Tera Parwana

Tu Mahe Nubuvvat Hain Ay Jalwa E Janana


Jo Saaqi E Kausar Ke Chehre Se Nikaab Uththe

Har Dil Bane Maikhana Har Aankh Ho Paymana


Dil Apna Chamak Utthe Imaan Ki Tal'at Se

Kar Aankhein Bhi Noorani Ay Jalwa E Jaanana 


Kyu Zulfe Muambar Se Kooche Na Mahak Uthe 

He Panja Qudrat Jab Zulfo Ka Tere Shaana


Tum Aye Chati Baazi Ronak Huwi Phir Taazi 

Kaaba Hua Phir Kaaba Kar Daala Tha Butt Khana 


Peete Hain Tere Dar Ka, Khate Hain Tere Dar Ka

Pani Hain Tera Pani, Dana Hain Tera Dana


Sarshar Ise Kar De Ik Jaam E Labalab Se

Taa Hashr Rahe Saaqi Aabad Ye Maikhana


Is Darr Ki Huzoori Hi Isyan Ki Dawa Thahri

Hai Zehre Ma Aasi Ka Taibah Hi Shifa Khaana


Har Phool Me Boo Teri Har Sham-A Me Zao Teri

Bulbul Hai Tera Bulbul Parwaana Hai Parwaana


Duniya Mein Hume Tum Ne Jab Apna Banaaya Hai

Mehshar Me Bhi Keh Dena Yeh Hai Mera Deewana


Gir Pad Ke Yaha Pohcha, Mar Mar Ke Ise Paya

Chute Na Ilahi Ab, Sange Dare Jaana Na


Sange Dare Jaana Hain, Thokar Na Lage Kisko

Ay Kash Wo Sun Lete, Mujhse Mera Afsana


Sange Dare Jaana Par, Karta Hu Jabee Sayi

Sajda Na Samajh Najdi, Sar Deta Hu Nazrana


Woh Kehte Na Kehte Kuch Woh Karte Na Karte Kuch 

Ay Kash Wo Sunn Lete Mujh Se Mera Afsana


Sarkaar Ke Jalwon Se, Roushan Hain Dile Noori

Ta Hashr Rahe Roshan, Noori Ke Ye Kaasana


✍🏻KALAM E HUZOOR MUFTI E AAZAM

Comments

Post a Comment

Popular posts from this blog

Ham As'hab Ke Khadim, Unke Naukar Hai

Ham As'hab Ke Khadim, Unke Naukar Hai Ahle Baite Nabi ﷺ Ke Ghar Ke Naukar Hai Ham Siddiq Umar Wale, Ham Usmaa'n Haidar Wale Kabhi Na Jhukte Hai, Kabhi Na Bikte Hai Mere Nabi ﷺ Ke Saare As'hab Hai Zindabad Abu Bakr Siddiq, Umar Khattab Hai Zindabaad Usma'n Ghani Bhi Pyare Hai, Maula Ali Bhi Hamare Hai Momin Ke Dil Me, Har Dam Ye Dhadakte Hai Zikre Ali To Yaaro'n, Chehre Dikhlaye Zikre Muawiya Logo Nasle Batlaye Ali Muawiya Hai Bhai, Raahe Azimat Ke Rahi Ham Ye Kehte Hai, Munkir Jalte Hai Pyari Ammi Ayesha, Tujh Par Jaa'n Qurbaan Ammi Teri Iffat Par, Meri Maa Qurbaan Ham Tere Hi Bete Hai, Sunle Duniye Ke Kehte Hai Ammi Ki Khatir Ham, Shauk Se Marte Hai Zehra Ke Lakhte Jigar, Karbal Me Datt Jaye'n Batil Se Darte Nahi, Phir Chahe Kat Jaye'n Pyare Nabi ﷺ Nawaz Hai, Karbal Me Wo Pyase Hai Neze'n Pe Chadhkar Bhi, Quran Wo Padhte Hai Munkir Hai Murtad Hai, As'hab Se Jalte Hai Pi'tte Hai Wo Seena, Khanjar Bhi Chalte Hai Jal Jal Ke Mar Jayenge, Phir Wo...
Read more

Ye Range Raza Range Raza Range Raza Hai

Ham Ashiq E Sarkar Pe Jo Rang Chada Hai, Ye Range Raza Range Raza Range Raza Hai, Is Rang Se Har Rang Wahabi Ka Uda Hai, Ye Range Raza Range Raza Range Raza Hai. Jo Dil Me Diya Ishq e Risalat Ka Jala Hai, Aur Ankho me Jo Khawab Madeene Ka Saja Hai, Jo Wirde Zaba’n Salle ala Salle ala Hai, Ye Range Raza Range Raza Range Raza Hai. Gustakh e Nabi Se Na Dare Hain Na Darenge, Talwar Ke Saaye Me Bhi Haq Baat Kahenge, Ye Mard e Mujahid Ne Saudi Se Kaha Hai, Ye Range Raza Range Raza Range Raza Hai. Ek Hujjatul Islam Hai Ek Mufti E Aazam, In Dono Se Jo Takraya Kisi Me Bhi Nahi Dam, Sultan e Zamana Bhi Yahan Aake Jhuka Hai, Ye Range Raza Range Raza Range Raza Hai. Bad Mazhabo.n Ko Foolne Falne Nahi Denge, Sarkar Ke Dushman Ko Sambhalne Nahi Denge, Ye Dars Hame Tajeshariyat Ne Diya Hai, Ye Range Raza Range Raza Range Raza Hai. Wo Maa Ho Behan Bhai Ya Ho Koi Apna, Sarkar Ke Dushman Se Talluq Nahi Rakhna, Parwah Nahi Gar Baap Khafa Hai to Khafa Hai, Ye Range Raza Range Raza Range Raza Hai. Siddiq H...
Read more

Ye Hai Khwaja Ka Hindustan, Mere Khwaja Ka Hindustan

YE HAI KHWAJA KA HINDUSTAN MERE KHWAJA KA HINDUSTAN Ye Hai Khwaja Ka Hindustan, Mere Khwaja Ka Hindustan Khawaja Ke Diwane Denge Apne Watan Par Jaan Ye Hain Khwaja Ka Hindustan, Mere Khwaja Ka Hindustan Fazl-E-Khuda Aur Faiz-E-Nabi Se Khilk-E-Shirk Ukhada Tha, Aakar Khwaja Ne Ajmer Me Deen Ka Jhanda Gaada Tha, Hind Ki Dharti Par Jitne Bhi Deen Ke Dushman Rehte The, Allahu Ka Zarb Lagakar Har Zaalim Ko Pachada Tha Jisne Bhi Dekha Aap Ko Khwaja Le Aaya Iman Ye Hain Khwaja Ka Hindustan, Mere Khwaja Ka Hindustan Yahi Pe Mas'ud-E-Ghazi Ne Apne Sar Ko Kataya Haiñ Yahi Pe Magdoom-E-Ashraf Ne Parcham-E-Haq Lehraya Haiñ, Yahi Pe Haji Ali-O-Haji Malang-O-Magdoom-E-Mahim, Waris-E-Meena Baba Tajuddin Ka Hum Par Saaya Haiñ, In Sabki Azmat Pe Karu Main Tan-Man-Dhan Qurban Ye Hain Khwaja Ka Hindustan, Mere Khwaja Ka Hindustan Yahi Pe Khwaja Sayeed Fakhruddin Hishamuddin Bhi Haiñ, Yahi Pe Qutubuddin Nizamuddin Alauddin Bhi Hain, Yahi Pe Shamsuddin Altamash Yahi Naseeruddin Bhi Hain, Yahi Pe Sharfu...
Read more